HealthJobsUK

Trosolwg o'r swydd

Ydych chi’n uwch arweinydd yn y Proffesiynau Perthynol i Iechyd gyda phrofiad gwybodeg glinigol?

Mae’r cyfle unigryw hwn yn apwyntiad Iechyd a Gofal Digidol Cymru i weithio gyda’n sefydliadau partner i gefnogi’r agenda ddigidol yng Nghymru.

Rydym yn chwilio am uwch arweinydd angerddol a phrofiadol sydd wedi cofrestru â’r Cyngor Proffesiynau Gofal ac Iechyd (HCPC) i ymuno â’n Tîm Gwybodeg Glinigol. Fel ein Prif Swyddog Gwybodaeth Proffesiynau Perthynol i Iechyd (PSGPPI) ar gyfer IGDC, byddwch ar flaen y gad o ran cefnogi ein taith trawsnewid digidol yn y proffesiynau. Mewn cydweithrediad â’n partneriaid, bydd ein PSGPPI yn creu cyfeiriad strategol a gweithrediad technoleg gwybodaeth, gan sicrhau bod arferion clinigol yn cael eu cefnogi gan y datrysiadau digidol mwyaf effeithiol ac arloesol.

Bydd deiliad y swydd yn darparu arweinyddiaeth strategol mewn cydweithrediad â CCIOs, CNIOs a Gwybodegwyr Clinigol i sicrhau ymagwedd Cymru gyfan, gyda’n partneriaid, at drawsnewid digidol a chydlynu cynlluniau gwella digidol, a datblygu llwybrau gyrfa ar gyfer gwybodeg glinigol ledled Cymru.

Mae gweithio mewn partneriaeth ag amrywiaeth o randdeiliaid yn hanfodol i sicrhau ein bod yn deall, yn gwrando ac yn ymateb i anghenion.

Prif ddyletswyddau'r swydd

Rydym yn gweithio ar y cyd â byrddau iechyd ac ymddiriedolaethau, cyrff cyhoeddus, Llywodraeth Cymru, gofal cymdeithasol a gwasanaethau cymunedol, y byd academaidd, diwydiant a’r cyhoedd. Mae’r rôl hon yn gofyn am unigolyn rhagweithiol a brwdfrydig, sy’n gallu gweithio’n annibynnol mewn amgylchedd cymhleth, ac yn canolbwyntio’n fawr ar gyflawni canlyniadau.

Prif ddyletswydd y rôl hon yw gweithio ar y cyd â’n partneriaid i:

• Ddarparu uwch arweinyddiaeth i yrru’r strategaeth drosfwaol ar gyfer Digidol ar lefel genedlaethol, gan sicrhau llywodraethu effeithiol a chefnogi aliniad ar draws y system gyda rhanddeiliaid allweddol – Cymru gyfan.
• Gweithio ar y cyd â’r Byrddau/Ymddiriedolaethau Iechyd i recriwtio i rolau digidol, cefnogi datblygiad y llwybrau gyrfa, gan gynnwys datblygiad proffesiynol parhaus unigolion, gweithio ar y cyd ag AaGIC ac IGDC.
• Darparu rheolaeth strategol ac arweinyddiaeth ar gyfer cydlynu safoni gwybodaeth a data ledled Cymru.
• Darparu uwch arweinyddiaeth strategol i lywio cynllunio a gweithredu prosiectau a rhaglenni digidol cenedlaethol i gefnogi trawsnewid gofal clinigol.
• Darparu uwch arweinyddiaeth strategol i lywio cydweithredu aml-broffesiynol a chonsensws clinigol i drawsnewid llwybrau cleifion, ansawdd a diogelwch a chanlyniadau cleifion, a gwella profiadau cleifion a staff trwy ddulliau gweithio digidol.

Gweithio i'n sefydliad

Mae Iechyd a Gofal Digidol Cymru (DHCW) yn rhan o deulu GIG Cymru ac mae ganddo rôl bwysig wrth newid y ffordd y darperir gwasanaethau iechyd a gofal trwy dechnoleg a data. Mae’r sefydliad yn cefnogi staff rheng flaen gyda systemau modern a mynediad at wybodaeth bwysig am eu cleifion, wrth rymuso pobl Cymru i reoli eu hiechyd eu hunain trwy wasanaethau digidol GIG Cymru.

Mae gweithio i DHCW yn cynnig llawer o fuddion i weithwyr, gan gynnwys gweithio hyblyg, cyflog cystadleuol, 28 diwrnod o wyliau blynyddol yn ogystal â gwyliau banc a chyfleoedd i ddatblygu gyrfa. Rydym wedi ymrwymo i gydnabod a dathlu ein staff fel y rhan fwyaf gwerthfawr o’n sefydliad.

Ymunwch â'n tîm trawsnewidiol sy’n achub bywydau a dechrau gwneud gwahaniaeth go iawn i wasanaethau iechyd a gofal yng Nghymru.