Trosolwg o'r swydd

ae’n bleser gan Ganolfan Ganser Felindre gyhoeddi eu bod nhw’n dymuno recriwtio Uwch Ymarferydd Clinigol SACT i ymuno â'i thîm o Uwch Ymarferwyr Clinigol sy'n ehangu, a fydd yn canolbwyntio’n bennaf ar asesu cleifion cyn iddynt gael triniaeth Therapi Gwrth-ganser Systemig (SACT).

Rydym yn chwilio am rywun sydd yn gallu meddwl tua’r dyfodol   Rydym hefyd yn chwilio am Uwch Ymarferydd Clinigol cymwys sydd gyda phrofiad diweddar mewn rhagnodi a gweinyddu triniaethau SACT, gan gynnwys cemotherapi, imiwnotherapi, triniaethau wedi'u targedu, a meddyginiaethau cefnogol.

Ydych chi’n astudio gradd Meistr fel Uwch Ymarferydd Clinigol dan hyfforddiant?  Neu os oes gennych brofiad perthnasol, mae lle i chi yma gyda'r tîm ac rydym yn croesawu eich cais.  Gallwn gefnogi cyfle hyfforddi a datblygu, ar yr amod eich bod chi’n gallu ymgymryd â hanfodion asesiad clinigol uwch, rhesymu diagnostig, cynllunio gofal a rhagnodi.

Os ydych yn gwneud cais am y rôl hon fel rôl Uwch Ymarferydd Clinigol band 7 dan Hyfforddiant, bydd cyfle i’r ymgeisydd iawn symud ymlaen i’r swydd uwch Ymarferydd Clinigol ar lefel 8a unwaith y bydd wedi cymhwyso’n llawn, ac wedi cwblhau proses gadarnhau Uwch Ymarferydd Clinigol Ymddiriedolaeth GIG Prifysgol Felindre yn llwyddiannus (gellid cymhwyso Atodiad 21). )

Prif ddyletswyddau'r swydd

Yn y rôl hon, bydd yr ymgeisydd llwyddiannus yn gweithio ochr yn ochr â'r timau safle-benodol presennol gan gynnwys Ymgynghorwyr, Cofrestryddion, Meddygon SAS a'r tîm amlddisgyblaethol ehangach, sy’n cynnwys  Ymarferwyr Nyrsio Uwch, Gweithwyr Proffesiynol Perthynol i Iechyd a Nyrsys Clinigol Arbenigol (dim yn gynhwysfawr) i gefnogi a darparu llwybr triniaeth fwy syml, o'r cyfnod cyn asesu i weinyddu SACT.  Mae Canolfan Ganser Felindre yn dechrau ar gyfnod o drawsnewid ar draws y llwybr SACT, a bydd y rôl hon yn chwarae rhan annatod yn y gwaith o wella a datblygu gwasanaethau SACT ar lefel strategol.

Bydd y Ganolfan Ganser Felindre newydd yn cynnig cyfleuster GIG o’r radd flaenaf sy’n darparu gofal heb ei ail i gleifion canser ar draws de-ddwyrain Cymru, Bydd yn weithle ysbrydoledig i’n staff ymroddedig ffynnu, ac yn cefnogi ymchwil a chydweithredu mewn perthynas â chanser o fri rhyngwladol ar draws y rhanbarth. Gydag adnoddau ardderchog a chefnogaeth barhaus, rydym yn grymuso ein staff i ddarparu gofal rhagorol i gleifion. Mae ein clinigwyr a’n cydweithwyr yn cael eu hannog i weithio i gyrraedd top eu band, a gwneud eu gorau glas i sicrhau safonau uchel o ofal. 

Gweithio i'n sefydliad

Yma yn Ymddiriedolaeth GIG Prifysgol Felindre, rydym yn hynod falch o'r gwasanaethau arbenigol a ddarparwn ledled Cymru yn ein Canolfan Ganser Felindre arloesol ac ein Gwasanaeth Gwaed Cymru gwobrwyedig. Yn ogystal ag arbenigedd ein swyddogaethau corfforaethol sy'n dod â'r ddwy adran at ei gilydd. Rydym hefyd yn ffodus i gynnal Partneriaeth Cydwasanaethau GIG Cymru a Thechnoleg Iechyd Cymru ac rydym wedi datblygu gwaith partneriaeth cryf gyda'r gwasanaethau arbenigol hyn.

Wedi'i sefydlu ym 1999, mae gan yr Ymddiriedolaeth weithlu ymroddedig sy'n ymdrechu'n barhaus i ddarparu egwyddorion allweddol gofal iechyd sy'n seiliedig ar Werth  drwy amrywiaeth eang o rolau. Rydym yn chwarae rhan hanfodol yn y cymunedau rydym yn eu cefnogi ac mae gennym gynlluniau uchelgeisiol ar gyfer y dyfodol i barhau i wella'r gwasanaethau a ddarparwn. Rydym yn ymdrechu i gynnal ein gwerthoedd craidd ym mhopeth a wnawn drwy fod yn; atebol, beiddgar, gofalgar a deinamig, a sicrhau'r gofal gorau posibl i'n cleifion a'n rhoddwyr.

Os ydych am weithio i sefydliad sy'n ymfalchïo mewn gwneud gwahaniaeth go iawn ac sy'n cynnig cyfleoedd gyrfa cyffrous, yna Ymddiriedolaeth GIG Prifysgol Felindre yw'r lle i chi.

Ewch i'n gwefan i gael rhagor o wybodaeth: https://velindre.nhs.wales/