HealthJobsUK

Trosolwg o'r swydd

Maer'r swydd hon am gyfnod penodol  am 8 mis oherwydd. Os oes diddordeb gyda chi mewn ceisio am swydd secondiad, mae’n rhaid i chi gael caniatad eich rheolwr llinell presennol cyn i chi geisio am y swydd hon.

 

O dan arweiniad y Rheolwr Arweiniol, bydd deiliad y swydd yn chwarae rhan allweddol yn y gwaith o reoli gwasanaethau llawfeddygol dynodedig a rheoli'r holl brosesau gweinyddol o ddydd i ddydd. Bydd deiliad y swydd yn cefnogi cyflawni holl dargedau'r Fframwaith Gweithredu Blynyddol.

Dirprwyo ar gyfer Rheolwr Arweiniol yn ôl yr angen a rheoli materion staffio meddygol priodol ar ran y Cyfarwyddwr o fewn arbenigeddau dynodedig.

Prif ddyletswyddau'r swydd

Rheolwr Arbenigedd y Safle 

Mae cyfle i ymuno â thîm rheoli'r Gyfarwyddiaeth Llawfeddygol wedi codi dros gyfnod penodol. Mae hwn yn gyfle cyffrous i unigolyn uchelgeisiol a brwdfrydig iawn ddatblygu ei yrfa rheoli weithredol mewn Is-adran gefnogol a blaengar.

 Gan weithio mewn tîm amlddisgyblaethol, byddwch yn cydweithio i ddatrys problemau a sicrhau bod systemau a phrosesau yn eu lle i ddarparu gwasanaeth effeithiol i gleifion.

Bydd gan yr ymgeisydd llwyddiannus dystiolaeth o allu meithrin perthnasoedd gwaith rhagorol, yn gallu blaenoriaethu'n dawel ac yn hyderus i reoli galw cystadleuol a gyda'r sgiliau angenrheidiol i ddynodi risgiau a'u lleddfu wrth iddynt godi. Bydd yn gyfathrebwr effeithiol gyda dulliau i sicrhau bod yr holl rhanddeiliaid yn yr Adran yn cael gwybod am ddatblygiadau ac yn cael eu cynnwys ynddynt. Bydd yn gallu dylanwadu ac ysgogi'n effeithiol a bydd ganddo ddealltwriaeth ragorol o'r gofynion sydd ei angen i gyflawni safonau perfformiad.

Bydd y rôl hon yn gyfle delfrydol i reolwr gweithredol profiadol i ehangu ei bortffolio neu i rywun sy'n edrych i ddatblygu ei brofiad o arwain mewn rôl weithredol ddeinamig. Bydd y swydd hefyd yn darparu amlygiad i waith yr Uwch Adran drwy gynhwysiad mewn rhaglenni gwaith y Gyfarwyddiaeth eang.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.