HealthJobsUK

Trosolwg o'r swydd

Mae gennym gyfle cyffrous i Ymarferydd Cynorthwyol medrus a brwdfrydig ymuno â'n Gwasanaeth Argyfwng a Gofal Heb ei Drefnu CAMHS Rhanbarthol sydd wedi'i leoli o fewn ein Hwb Canolog yn darparu cegnogaeth i ardaloedd, Dwyrain, Canol a Gorllewin Gogledd Cymru. Byddwch yn rhan o dîm deinamig sy’n darparu asesiadau, dilynol ac ymyriadau tymor byr ar gyfer Plant a Phobl Ifanc sy’n profi argyfwng Iechyd Meddwl, gan gynnwys eu teuluoedd a rhwydweithiau cymorth eraill, yn ogystal â darparu ymgynghoriad a hyfforddiant ar gyfer ein rhanddeiliaid allweddol .

Mae'r Gwasanaeth Argyfwng a Gofal Heb ei Drefnu yn y broses o ddatblygu ac ehangu o fewn ein cynnig gwasanaeth ac oriau gweithredu, gan gynnwys gyda'r hwyr, penwythnosau a gwyliau banc. Bydd gwaith clinigol yn digwydd mewn amrywiaeth o leoliadau gan gynnwys yr Adrannau Achosion Brys lleol, Wardiau Plant, a’r gymuned ar draws ranbarth Gogledd Cymru.

Os byddwch yn llwyddiannus byddwch yn cyfrannu at ddatblygiad parhaus ac arloesedd o fewn ein gwasanaeth ac yn cael eich cefnogi gyda datblygiad personol a phroffesiynol trwy oruchwyliaeth reolaidd ac Arfarnu Perfformiad ac Adolygu Datblygiad (PADR).

Prif ddyletswyddau'r swydd

Fel rhan o Wasanaeth Iechyd Meddwl Plant a Phobl Ifanc (CAMHS), bydd deilydd y swydd yn darparu gofal a chymorth i blant, pobl ifanc a'u teuluoedd/gofalwyr y daw Gwasanaeth Gofal heb ei Drefnu CAMHS yn ymwybodol ohonynt yn sgil eu hanghenion iechyd meddwl. 

Bydd y gwaith yn cynnwys elfennau ar asesu, cynorthwyo a gofalu am y sawl sy'n peri lefel uwch o risg iddynt hwy eu hunain neu i eraill, ac y bydd angen lefel uwch o arsylwi ar eu cyfer o bosibl (er enghraifft, goruchwyliaeth un ac un, os byddant mewn amgylchedd ysbyty), a darparu ymyriadau therapiwtig/rhaglenni gofal tymor byr yn y gymuned i blant a phobl ifanc, yn dilyn arweiniad gan uwch aelodau'r tîm.

Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.