HealthJobsUK

Trosolwg o'r swydd

Oes gennych chi sgiliau gweinyddu rhagorol ac yn mwynhau gweithio fel rhan o dîm?  Oes gennych chi weledigaeth, cymhelliant a brwdfrydedd diddiwedd a ffynnu ar her?  Yna dewch i ymuno â'n Tîm Adnoddau Cymunedol  Sir Ddinbych ddeinamig, rhagweithiol ac yn ymrwymedig i wneud gwahaniaeth i'n cleifion. Rydym yn credu mewn cyfleoedd datblygu a hyfforddi i'n staff ac rydym yn awyddus i recriwtio swyddog clerigol trefnus, llawn cymhelliant ac angerddol i gefnogi'r tîm clinigol. 

Prif ddyletswyddau'r swydd

Pwrpas y swydd hon yw darparu gwasanaeth gweinyddol effeithlon a chynhwysfawr yn y Tîm Adnoddau Cymunedol (CRT). Gweithredu fel y pwynt cyswllt cyntaf ar gyfer cyfathrebu dros y ffôn ar gyfer y CRT. Bydd deiliad y swydd yn gweithio o fewn CRT  CRT Sir Ddinbych (Rhuthun, Dinbych, Y Rhyl a Phrestatyn) ochr yn ochr â Nyrsys Ardal, Gwasanaethau Therapi, cydweithwyr Awdurdodau Lleol a'r Sector Gwirfoddol i ddarparu gwasanaeth gweinyddol di-dor i'r Timau Amlddisgyblaethol.

Disgwylir ii'r Swyddog Clercyddol weithio'n gywir ac annibynnol o fewn canllawiau, yn dilyn hyfforddiant. Byddwch yn defnyddio blaengaredd a doethineb eich hunan yn hytrach na goruchwyliaeth, gan benderfynu pan fo angen i ymgynghori gyda'r rheolwr. Rhaid gweithredu pob dyletswydd yn unol â pholisi’r Adran a’r Bwrdd Iechyd.

Mae'r gallu i siarad Cymraeg yn ddymunol ar gyfer y swydd hon; mae croeso cydradd i siaradwyr Cymraeg a/neu Saesneg wneud cais.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.