HealthJobsUK

Trosolwg o'r swydd

Os oes gennych angerdd at y celfyddydau, gyda meddwl creadigol, yn awyddus i helpu eraill, neu’n barod am her mewn maes bywiog a blagurol o ran y celfyddydau mewn iechyd a lles, gall y cyfle hwn fod i chi!

Rydym yn awyddus i benodi Uwch Swyddog Cymorth Prosiect y Celfyddydau mewn Iechyd brwdfrydig, deinamig, llawn cymhelliant i ymuno gyda’n tîm Celfyddydau mewn Iechyd. Wedi'i leoli o fewn Iechyd y Cyhoedd, mae'r tîm yn gweithio ar draws y rhanbarth gan ganolbwyntio ar ymgysylltu â'r celfyddydau, y celfyddydau cyfranogol a chelf gyhoeddus. Mae’r cyfan yn rhoi ffocws ar iechyd a lles y cleifion, ymwelwyr, staff a'r boblogaeth ehangach. Byddwch yn cefnogi amrywiaeth o brosiectau a gweithgareddau creadigol, gan sicrhau eu bod yn cael eu cyflawni a gwneud y gorau o'u heffaith.

Byddwch yn canolbwyntio ar waith yn y gymuned a phrosiectau sy'n gysylltiedig ag Iechyd y Cyhoedd; o weithdai mewn lleoliadau cymunedol, i gefnogi’r gwaith o hyrwyddo iechyd ac atal afiechydon trwy greadigrwydd. Mae’n bosibl y bydd cyfleoedd hefyd i gefnogi nifer eang o brosiectau, gan gynnwys prosiectau a gweithgareddau ar y safle gofal iechyd, gan gynnwys celf gyhoeddus a gweithdai, y celfyddydau digidol mewn adnoddau iechyd, gweithgareddau a phecynnau cymorth.

Prif ddyletswyddau'r swydd

·         hwyluso yn y gwaith o gyflwyno ystod o gelfyddydau cyffrous ac amrywiol mewn prosiectau iechyd, gweithgareddau a digwyddiadau, gan gydlynu ag amrywiaeth o bartneriaid gan gynnwys: artistiaid, cyllidwyr, sefydliadau diwylliannol a chymorth, yn ogystal â gwasanaethau a thimau iechyd.

·         sicrhau bod prosiectau’n cael eu cyflawni ar amser, o fewn maes a chyllideb.

·         derbyn adborth yn dilyn prosiect drwy sawl dull ar gyfer rhannu ac adrodd yn ôl.

·         cyfathrebu ar draws timau a phartneriaid i rannu digwyddiadau, straeon a diweddariadau fel y bo'n briodol.

·         helpu i baratoi adroddiadau yn fewnol ac yn allanol i'w rhannu gyda chyllidwyr, partneriaid, staff a'r cyhoedd ehangach.

·         cefnogi yn y gwaith o greu a datblygu'r celfyddydau mewn pecynnau cymorth ac adnoddau iechyd, datblygu adroddiadau a chynlluniau o ansawdd uchel, er mwyn sicrhau llwyddiant rhaglen y celfyddydau mewn iechyd a lles.

·         gweithio'n weithredol mewn partneriaeth gydag ystod o bartneriaid a rhanddeiliaid allanol ac ar draws timau a gwasanaethau BIPBC, datblygu perthnasoedd a chysylltiadau, mynegi penderfyniadau yn bersonol ac yn effeithiol.

·         Gweithio'n sensitif o fewn ystod o gyd-destunau iechyd gan sicrhau cyfrinachedd a thrin gwybodaeth sensitif gyda gofal ac mewn modd proffesiynol.

·         Darparu diweddariadau prosiect clir a rheolaidd, gan gynnal cyfathrebu rhagorol ar draws y tîm.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.