HealthJobsUK

Trosolwg o'r swydd

Mae Ysbyty'r Wyddgrug yn ysbyty cymuned prysur iawn, yng nghanol y gymuned leol.  Rydym yn ymfalchïo yn y gofal o safon uchel yr ydym yn ei ddarparu i gleifion a pherthnasau.  Rydym yn ceisio sicrhau bod y gofal sydd ei angen ar gleifion yn cael ei roi yn agosach at eu cartrefi, ac rydym yn credu bod cynllunio rhyddhau o ddiwrnod y derbyniad yn rhan hanfodol o'n rôl i sicrhau bod cleifion yn cael eu rhyddhau cyn gynted ag sy'n bosibl.   

Mae'r staff yn Ysbyty'r Wyddgrug yn ymrwymo i egwyddorion gartref yn gyntaf ac mae ganddynt berthnasau gwaith ardderchog gyda phob aelod o'r tîm amlddisgyblaethol.  Mae hyn yn ein galluogi i weithredu egwyddorion rhyddhau i fynediad ochr yn ochr â'n Tîm Adnoddau Cymuned. 

Rydym yn cynnig cyfle datblygu arbennig i nyrsys profiadol a phreceptoriaeth 6 mis ar gyfer staff sydd newydd gymhwyso. Mae gan yr ysbyty ddwy ward ac mae gan bob un y capasiti i ofalu am 20 claf.  Rydym yn annog staff i ddatblygu ac yn cefnogi staff gyda'u datblygiad personol. 

Os ydych yn un sy’n canolbwyntio ar gleifion, yn gweithio'n galed ac yn falch o fod yn nyrs rydym eisiau i chi ddod i ymuno â'r tîm arbennig yn Ysbyty'r Wyddgrug.  Mae gennym nifer o gyfleoedd gyrfa ar gyfer cofrestreion sydd newydd gymhwyso a chofrestreion profiadol sy'n angerddol am ddarparu gofal o ansawdd uchel sy'n canolbwyntio ar gleifion.  Mae oriau llawn amser a rhan amser ar gael ac rydym yn cefnogi oriau sy'n hwylus i deuluoedd, ac oriau hyblyg eraill.  Gofynnwch i ni!

Prif ddyletswyddau'r swydd

Sylwch ar gyfer myfyrwyr Cymru, rhaid i chi wneud cais trwy Symleiddio lle gellir dod o hyd i’r holl swyddi sydd ar gael.

Mae deilydd y swydd yn gyfrifol am asesu, cynllunio, gweithredu a gwerthuso gofal nyrsio wedi'i seilio ar dystiolaeth, gan gydweithio ac yn cydweithredu â phobl eraill er mwyn diwallu anghenion cleifion â'u teuluoedd.

Cynorthwyo wrth reoli a threfnu eu hardal glinigol a chymryd rhan mewn addysgu, datblygiad a goruchwyliaeth aelodau eraill o staff.

Mae'r tîm yn cynnwys staff nyrsio, HCSW, domestig a staff gweinyddol sy'n gweithio gyda'i gilydd i ddarparu lefelau uchel o ofal cleifion. Mae'r tîm yn hyblyg yn eu dull o ymdrin â phob agwedd o ofal cleifion bob amser yn rhoi anghenion cleifion yn gyntaf.

Mae’r gallu siarad Cymraeg yn ddymunol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.