Swydd wag: Ysgrifennyddes Meddygol, Bwrdd Iechyd Prifysgol Betsi Cadwaladr, Llangefni,

Crynodeb o'r swydd

Prif leoliad: Adran Pediatreg
Gradd: Gradd 3
Contract: Parhaol
Oriau: Rhan-amser - 22.5 awr yr wythnos (Dyddiau gwaith i'w cytuno yn y cyfweliad)
Cyfeirnod y swydd: 050-AC280-0425

Cyflogwr: Bwrdd Iechyd Prifysgol Betsi Cadwaladr
Math o gyflogwr: NHS
Gwefan: Ty Derwydd, Ysbyty Cefni
Tref: Llangefni,
Cyflog: £24,433 - £26,060 y flwyddyn, pro rata
Cyfnod cyflog: Yn flynyddol
Yn cau: 08/05/2025 23:59

Ysgrifennyddes Meddygol

Gradd 3

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.

Sylwer bod ychwanegiad dros dro ar gyfer Bandiau 2 a 3 i adlewyrchu ymgorffori'r ychwanegiad hyd at y cyflog byw o £12.60 yr awr - £24,638 y flwyddyn.

Bydd yr ychwanegiad dros dro hwn yn weithredol hyd nes y bydd y codiad cyflog blynyddol ar gyfer 2025/26 wedi’i gadarnhau

Swydd-ddisgrifiad a phrif gyfrifoldebau manwl

Bydd deilydd y swydd yn aelod allweddol o'r tîm ysgrifenyddion meddygol yn darparu gwasanaeth gweinyddol cywir a chyfrinachol i'r Arbenigedd Clinigol a'i ffrydiau gwaith cysylltiedig. Bydd deilydd y swydd yn cefnogi meddygon ymgynghorol, staff meddygol iau a gweithwyr proffesiynol iechyd eraill i greu arferion a phrosesau gorau, cefnogi rheoli dyddiaduron, baich gwaith a chydlynu apwyntiadau a derbyniadau'n ymwneud â gwybodaeth i gleifion a gofalwyr.

Bydd gan ddeilydd y swydd sgiliau teipio da a chywir a bydd yn sicrhau bod yr arbenigedd yn cadw system effeithiol i ffeilio a chofnodi gwybodaeth. Bydd yn cynllunio a threfnu ei amser ei hun, gan addasu apwyntiadau clinig i gleifion a sicrhau bod nodiadau'n barod ar gyfer clinigau fel bo angen.

Casglu gwybodaeth ar gyfarwyddyd yr uwch ysgrifennydd meddygol a/neu reolwr gweinyddol.

Gweithio ar ei liwt ei hun i flaenoriaethu a chynllunio ei faich gwaith ei hun i fodloni cytundebau lefel gwasanaeth a dangosyddion perfformiad allweddol a bydd yn myfyrio ar ei berfformiad ei hun ac yn ei wella, gan gefnogi rheoli newid a gwelliannau i weithdrefnau a datblygiadau gwasanaeth.

Byddwch yn gallu dod o hyd i Swydd ddisgrifiad a Manyleb y Person llawn ynghlwm yn y dogfennau ategol neu cliciwch “Gwneud cais nawr” i’w gweld yn Trac.

Manyleb y person

Cymwysterau

Meini prawf hanfodol

RSA /OCR lefel 2 neu brofiad cyfatebol (rhaid gallu defnyddio Microsoft Word)
Cymhwyster yn ymwneud â TG CLAIT plus /ECDL neu gyfatebol
NVQ Gweinyddu Busnes L3 neu brofiad cyfatebol

Meini prawf dymunol

AMSPAR – City & Guilds L3
NVQ L3 mewn Gwasanaeth Cwsmeriaid

Sgiliau

Meini prawf hanfodol

Cyfathrebu'n broffesiynol ac effeithiol â staff ar bob lefel, yn llafar ac yn ysgrifenedig
Gallu defnyddio Microsoft Office
Profiadol mewn cynllunio a blaenoriaethu eich llwyth gwaith eich hun
Hyblyg ac addasadwy i alwadau cyfnewidiol y gwasanaeth
Sgiliau trefnu rhagorol

Meini prawf dymunol

Sgiliau cymryd cofnodion

Gwybodaeth

Meini prawf hanfodol

Tystiolaeth o ddatblygiad personol parhaus
Gallu delio â gwybodaeth sensitif
Siarad Cymraeg

Meini prawf dymunol

Profiad o weithio o fewn y GIG. Gwybodaeth o ystod o weithdrefnau gweinyddu

I weithio yn y DU, mae angen nawdd ar bob ymgeisydd nad yw'n wladolyn o'r DU neu Weriniaeth Iwerddon i gael naill ai fisa Gweithiwr Iechyd a Gofal neu fisa Gweithiwr Medrus, oni bai bod gennych ganiatâd i weithio trwy lwybr arall. Dylai ymgeiswyr nad ydynt yn rhan o'r DU/Gweriniaeth Iwerddon sy'n dymuno gwneud cais hunanasesu'u tebygolrwydd o gael Tystysgrif Nawdd trwy ymweld â gwefan Fisâu a Mewnfudo'r DU. Os ydych chi'n gymwys i gael y fisa Iechyd a Gofal, mae'r costau ymgeisio yn is ac nid oes angen i chi dalu Gordal Iechyd Mewnfudo blynyddol.