HealthJobsUK

Trosolwg o'r swydd

Gwahoddir ceisiadau am y swydd hon yn yr Uwch Adran Gwasanaethau Plant a Phobl Ifanc, wedi'i lleoli yn Ysbyty Llandudno. 

Rydym yn awyddus i benodi unigolyn llawn cymhelliant ac sy'n frwdfrydig i ymuno â Thîm Gwasanaeth Iechyd Meddwl Plant a Phobl Ifanc Ardal y Canol fel Cynorthwyydd Gweinyddol.  Bydd disgwyl i'r ymgeisydd llwyddiannus roi cymorth gweinyddol i dîm o staff clinigol a gweithredol, gan ymateb i weithio o dan bwysau mewn amgylchedd gwaith prysur.  

Mae'n hanfodol bod gan ddeilydd y swydd ymagwedd hyblyg tuag at waith i gynorthwyo aelodau’r tîm ac i ddiwallu anghenion y gwasanaeth.  Er nad yw profiad blaenorol mewn ysbyty yn hanfodol, bydd yr ymgeisydd llwyddiannus yn gallu dangos ei fod yn gallu darparu gwasanaeth ardderchog ar gyfer cwsmeriaid, a bydd ganddo sgiliau TG.  Mae'r gallu i gyfathrebu'n effeithiol ac i ddelio â sefyllfaoedd sensitif yn hanfodol, fel y mae'r gallu i weithio'n unol â therfynau amser tynn gan sicrhau bod modd darparu gwasanaethau'n effeithiol.  Mae gwybodaeth gyfredol am WPAS yn ddymunol ond heb fod yn hanfodol gan y caiff hyfforddiant ei roi. 

Bydd ymgeiswyr amser llawn a rhan amser/rhannu swydd yn cael eu hystyried.

Am ragor o wybodaeth, cysylltwch â

Arweinydd y Tîm Gweinyddol, CAMHS Sir Ddinbych

Arweinydd y Tîm Gweinyddol, CAMHS Conwy

Rheolwr Gweinyddol, CAMHS y Canol

Prif ddyletswyddau'r swydd

Bydd deilydd y swydd yn darparu cefnogaeth derbynfa, clercyddol a theipio i'r Gwasanaeth Iechyd Meddwl Plant a Phobl Ifanc (CAMHS), gan fod yn gwrtais, proffesiynol a sensitif bob amser.

Bydd yr ymgeisydd llwyddiannus yn meddu ar addysg o safon dda, sgiliau cyfathrebu da a'r gallu i weithio'n unigol a bod yn effeithiol, trefnus a gweithio'n hyblyg. 

Mae arddull ffôn a sgiliau cyfathrebu da yn hanfodol. Mae gwybodaeth am System Weinyddu Cleifion yr ysbyty yn ddymunol, er bydd hyfforddiant yn cael ei roi.  Bydd deilydd y swydd yn meddu ar RSA Lefel 2 neu gywerth. Disgwylir i ddeilydd y swydd allu arddangos arddull broffesiynol a sensitif bob amser.  Oherwydd natur y dyletswyddau, disgwylir i'r Clerc cynorthwyydd gweinyddol gadw cyfrinachedd llwyr a disgwylir iddi/iddo ymdrin â chleifion, perthnasau, ac ymwelwyr yn gwrtais a doeth bob amser. 

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.