HealthJobsUK

Trosolwg o'r swydd

Gwahoddir ymgeiswyr o unigolion sy'n gweithio'n galed ac yn frwdfrydig i ddarparu cefnogaeth ysgrifenyddol a gweinyddol o ansawdd uchel i'r Tîm Rheoli. Bydd disgwyl i chi gyfathrebu a chysylltu ag unigolion a gwahanol grwpiau o staff ar draws y Bwrdd Iechyd a sefydliadau allanol sy'n delio â gwybodaeth sensitif neu ddadleuol.

Rhaid i'r ymgeiswyr fod yn hynod o hyblyg i ddiwallu anghenion y gwasanaeth, bod â phersonoliaeth ddymunol ac agwedd bositif at eu gwaith. Rhaid i ymgeiswyr hefyd gael safon addysg dda, bod yn hyblyg a chael sgiliau trefnu da.

Mae digon o brofiad a gwybodaeth ysgrifenyddol yn hanfodol ar gyfer y rôl hon. Lleoliad  y swydd fydd Ysbyty Cymuned  Inffyrmari, Dinbych, a bydd disgwyl i chi weithio yn Ysbyty Brenhinol Alexandra, Y Rhyl ac Ysbyty Cymuned Rhuthun yn ogystal

Mae'r gallu i siarad Cymraeg yn ddymunol am y swydd hon; Mae croeso cyfartal i siaradwyr Cymraeg a/neu Saesneg ymgeisio.

Prif ddyletswyddau'r swydd

1     Gweithredu fel y pwynt cyswllt cyntaf i’r Tîm Rheoli ehangach dros y ffôn, e-bost a gohebiaeth neu i ymwelwyr. Gwneud penderfyniadau i weithredu neu roi cyngor ar ystod eang o faterion yn ymwneud â gwaith Cyfarwyddwyr Cynorthwyol Ardal a'u timau, eu datrys neu eu cyfeirio ymlaen i'r unigolyn mwyaf priodol pan fydd Swyddog  yr Ardal Leol yn absennol o'r swyddfa.  

2     Trefnu cyfarfodydd gan gynnwys casglu agenda a chymryd cofnodion y cyfarfod a'u trawsgrifio, gall hyn gynnwys presenoldeb mewn cyfarfodydd AD, megis ymchwiliadau a gwrandawiadau disgyblu ffurfiol ble mae gofyn cynhyrchu nodiadau ffurfiol o fewn amserlen, a hynny wrth gynnal cyfrinachedd a doethineb gan gall y cyfarfodydd fod o dan amgylchiadau anodd.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.