Trosolwg o'r swydd

Mae gennym gyfleoedd ar hyn o bryd o fewn ein Hadran Gwasanaethau Domestig yn Ysbyty Cymunedol Glannau Dyfrdwy ar gyfer unigolion brwdfrydig.   Mae’r tîm Gwasanaethau Domestig yn gyfrifol am sicrhau y cynhelir safonau o lendid amgylcheddol ac rydym yn chwilio am Gynorthwywyr Domestig i wneud y dyletswyddau hyn o fewn ein hysbyty.  Bydd profiad blaenorol o weithio o fewn y diwydiant glanhau yn fuddiol ond ddim yn hanfodol gan y bydd ymgeiswyr llwyddiannus yn derbyn hyfforddiant a goruchwyliaeth mewn swydd.  Bydd gwisg/dillad amddiffynnol hefyd yn cael eu darparu.

Rydym yn cynnig cytundebau parhaol ac mae nifer o swyddi ar gael fel a ganlyn:

1 x Swyddi rhan-amser (10 awr yr wythnos) –  2pm i 4pm yn gweithio 5 ddiwrnod yr wythnos i gynnwys penwythnosau

 Cyfraddau cyflog yw £12.29 yr awr, gyda chyfraddau uwch ar gyfer gwaith a wneir ar ddydd Sadwrn (£17.33 yr awr) a dydd Sul (£22.49 yr awr).

Os yw hyn yn swnio fel y swydd i chi, a bod gennych y brwdfrydedd i wneud gwahaniaeth gyda synnwyr allweddol o olaf cwsmer, sylw i fanylder a ffocws i gyflawni, rydym eisiau clywed gennych chi heddiw.  Cliciwch i wneud cais, gan nodi pa swydd (neu swyddi) rydych chi'n teimlo fyddai fwyaf addas i chi yn yr adran Gwybodaeth Ategol ar y Ffurflen Gais. Hefyd, nodwch yn yr adran Gwybodaeth Ategol y sgiliau trosglwyddadwy sydd gennych a fyddai, yn eich barn chi, yn fuddiol i'r rôl hon

Prif ddyletswyddau'r swydd

• Cynnal safonau glendid lloriau, dodrefn a ffitiadau, yn ogystal â thynnu marciau o waliau/rhaniadau/drysau ac ati yn unol â dulliau, safonau ac amleddau penodol.
• Cyflawni tasgau nad ydynt yn glanhau h.y. golchi llestri, jygiau a sbectol cleifion a gwneud gwelyau gyda llieiniau glân (o fewn llety staff) yn unol â safonau ac amlder penodol.
• Gweithredu offer glanhau, gan gynnwys offer trydanol er mwyn cyflawni'r safonau glendid penodedig.
• Trin sbwriel at ddibenion gwaredu.
• Ailgyflenwi cyflenwadau o dywelion llaw papur, meinwe toiled, sebon a moisturiser llaw yn ôl y gofyn.
• Monitro'r stociau o ddeunyddiau glanhau, bagiau sbwriel, meinwe toiled, tyweli llaw papur, sebon llaw a moisturiser llaw a gofyn am gyflenwad yn ôl yr angen.
• Trefnu eich llwyth gwaith eich hun o ddydd i ddydd o fewn canllawiau amserlennu gwaith i sicrhau bod yr holl dasgau glanhau yn cael eu cwblhau i'r safon a bennwyd.
• Cwblhau dogfennau i gofnodi 'glân llawn' wedi'u cwblhau.
• Dangos dealltwriaeth o ddulliau ac amleddau glanhau penodedig.
• Cyfathrebu â Goruchwylwyr Domestig, cleifion, ymwelwyr, staff wardiau ac adrannau er mwyn cyflawni'r safon glendid benodedig.
• Sicrhau cydymffurfiaeth â pholisïau, gweithdrefnau ac arferion da'r Bwrdd Iechyd a'r Adran.

Mae’r gallu siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.  

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.