HealthJobsUK

Trosolwg o'r swydd

Mae hwn yn gyfle cyffrous i ymarferydd sydd â chymwysterau addas, sydd â phrofiad sylweddol o fewn Iechyd Meddwl Pobl Hŷn a gwybodaeth a dealltwriaeth fanwl o ddementia.  Byddwch yn darparu arweinyddiaeth, adolygu a datblygu parhaus a rheolaeth weithredol i dîm prysur yn Is-adran Iechyd Meddwl ac Anableddau Dysgu y Dwyrain. 

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Prif ddyletswyddau'r swydd

Bydd gennych sgiliau cyfathrebu rhagorol, byddwch yn hunan ysgogol, rhagweithiol ac yn ymroddedig i hyrwyddo arloesed ar gyfer darparu gwasanaethau. Mae hyrwyddo gofal iechyd doeth gyda phwyslais amlwg ar y Strategaeth Law yn Llaw at Iechyd Meddwl yn flaenoriaeth ar gyfer tîm iechyd meddwl Cymuned Flintshire a wrexham. Mae'r tîm yn gweithio tuag at fodloni safonau cenedlaethol sy'n cyd-fynd â gwasanaethau dementia.

Bydd gan y rôl arweinyddiaeth hon gyfrifoldeb ac atebolrwydd parhaus ar gyfer darparu gofal sy'n seiliedig ar dystiolaeth o ansawdd uchel a'i gynnal o safon uchel; gweithio'n annibynnol ar asesu, cynllunio, gweithredu a gwerthuso gofal; darparu gofal a chyngor arbenigol i gleifion, cydweithwyr a'r tîm amlddisgyblaeth ehangach.

Bydd yr ymgeisydd llwyddiannus yn gyfrifol am ddatblygu diwylliant o welliant parhaus o fewn y tîm integredig gan sicrhau cymysgedd sgiliau diogel a phriodol i fodloni anghenion gofal cleifion; arwain y tîm a'i reoli; dirprwyo, cefnogi a goruchwylio staff wrth ddarparu gofal.

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.