HealthJobsUK

Trosolwg o'r swydd

Mae’r swydd hon am gyfnod penodol/secondiad am 12 mis oherwydd cwrdd gofynion y gwasanaeth.

Mae swydd wag ar gael yn Uned Bryn Hesketh ar gyfer Rheolwr Ward Band 7 dros do, a fydd yn gweithio 37.5 awr yr wythnos, ar Ward Iechyd Meddwl Pobl Hŷn 13 gwely. 

Disgwylir i ddeilydd y swydd gynnig arweiniad ac arweinyddiaeth i aelodau cofrestredig ac anghofrestredig y tîm i asesu, cynllunio a gweithredu cyflawni gofal nyrsio o ansawdd uchel.

Bydd deilydd y swydd yn rhan o Uned Iechyd Meddwl Pobl Hŷn brysur.  Bydd y rheolwr ward â swyddogaeth allweddol i arwain datblygiad Model Gwasanaeth Iechyd Meddwl Pobl Hŷn Cleifion Mewnol Llym a byddwch hefyd â swyddogaeth arweiniol wrth ailddatblygu'r Uned a'i diroedd.

Prif ddyletswyddau'r swydd

A yw gofal cleifion a safonau nyrsio proffesiynol yn agos at eich calon chi ac a ydych yn gallu dangos gwerthoedd a rhinweddau arweinyddiaeth i fod yn arweinydd nyrsys a delfryd ymddwyn ardderchog?

 Bydd gan ddeilydd y swydd gyfrifoldeb parhaus dros reoli'r ward ar lefel weithredol, darpariaeth gwasanaeth o ran anghenion gofal, datblygu, gweithredu a gwerthuso rhaglenni gofal a phennu safonau gofal, rheoli meddyginiaethau a rheoli cyllidebau. Bydd deilydd y swydd yn rheolwr llinell i staff y ward ac yn sicrhau bod yr holl hyfforddiant sy'n briodol i'r ddisgyblaeth a bod yr holl hyfforddiant craidd a hanfodol arall yn cael ei gwblhau.

Rydym yn chwilio am Reolwr Ward hynod weladwy a hawdd mynd ato i weithio yn Uned y Cleifion Mewnol sy'n ymroi i sicrhau bod y gwasanaethau yr ydym yn eu darparu yn cyrraedd disgwyliadau'r boblogaeth a wasanaethwn.

Mae’r gallu i siarad Cymraeg yn ddymunol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.