HealthJobsUK

Trosolwg o'r swydd

Mae're swydd hon am gyfnod penodol/secondiad am 9 mis oherwydd cyfnod mamolaeth

Mae cyfle cyffrous am swydd hyfforddiant Nyrs Clefyd Llid y Coluddyn (IBD) wedi codi, i ymuno â thîm nyrsio bach yn darparu gofal i gleifion â Chlefyd Llid y Coluddyn (IBD: Clefyd Crohn’s a llid briwiol y coluddyn). Mae hon yn swydd ddiddorol ac amrywiol yn cynnwys gofal wyneb yn wyneb ac o bell, rheoli meddyginiaethau yn cynnwys triniaethau imiwnolegol arbenigol. Bydd eich mewnbwn i feysydd eraill o reoli cleifion IBD fel cefnogi cleifion mewnol yn rhoi ehangder ychwanegol i’r rôl. Ar lefel mynediad band 6 byddwch yn cael cefnogaeth gan yr Uwch Nyrs Ymarferydd presennol ac yn ymgymryd â modiwl gradd IBD o fewn blwyddyn i helpu i danategu eich arfer. Bydd rhaid i chi hefyd weithio at rôl band 7 gyda chymwysterau Nyrsio Uwch drwy wneud modiwlau lefel MSc fel cymryd hanes, archwiliad clinigol a nyrs rhagnodi. Mae addysgu mewnol rheolaidd a chynadleddau allanol priodol hefyd yn cefnogi gwybodaeth hanfodol yn y maes hwn sy’n symud yn gyflym. Y nodweddion personol a fydd eu hangen arnoch fydd sgiliau cyfathrebu a rhyngbersonol ardderchog gyda’r gallu i gynnal cywirdeb a rhoi sylw i fanylder wrth weithio dan bwysau. Mae’n rhaid i chi fod yn rhagweithiol ac yn ysgogol i ddysgu’r maes arbenigol hwn i safon uchel a darparu gofal cleifion o ansawdd uchel, sy’n ddiogel, wedi’i seilio ar dystiolaeth ac yn dosturiol, gyda sgiliau trefnu ardderchog.

Prif ddyletswyddau'r swydd

Bydd deilydd y swydd yn:

• Hyfforddi i ddatblygu gwybodaeth mewn darparu sgiliau clinigol cynhwysfawr, darparu gwybodaeth, cynghori a chefnogi cleifion ag IBD
• Rhoi cyngor a chefnogaeth i gleifion IBD drwy linell gymorth ffôn
• Hyfforddi i asesu a rhagnodi meddyginiaeth arbenigol
• Rhoi cyngor a chefnogaeth gyda hyfforddiant i gleifion mewnol IBD, i gefnogi rhyddhau cleifion yn gynnar o'r wardiau
• Gweithio fel ymarferydd annibynnol ochr yn ochr ag aelodau eraill o'r tîm Amlddisgyblaethol
• Gyda hyfforddiant a chefnogaeth, rheoli monitro cleifion sy'n cael triniaethau biolegol ac gwrthimiwnedd gan sicrhau bod y prawf perthnasol a phresgripsiynau yn cael eu cwblhau'n brydlon.
• Cefnogi monitro a chynnal cronfeydd data bwrdd iechyd perthnasol mewn perthynas â gofal cleifion a monitro.
• Monitro'r gofrestr genedlaethol IBD, ei gynnal a'i ddiweddaru.
• Rhoi cyngor a chefnogaeth i weithwyr proffesiynol eraill yn cynnwys myfyrwyr, meddygon, staff nyrsio ac AHP eraill fel bo angen.
• Sefydlu llinellau clir o gyfathrebu o fewn tîm yr arbenigedd i sicrhau rheolaeth amlddisgyblaethol gydlynol o'r cleifion.
• Gyda hyforddiant a chefnogaeth, rheoli a chydlynu’r tîm amlddisgyblaethol IBD a chlinigau bioleg/dilynol ar y cyd â'r cydweithwyr CNS IBD.
• Traws-gyflenwi rolau cydweithwyr CNS IBD.
• Cymryd rhan mewn cyfarfodydd grŵp defnyddwyr IBD a chynadleddau allanol priodol.
• Bod yn hyblyg gyda'r gwasanaeth i sicrhau cyflenwad priodo

Gweithio i'n sefydliad

Os oes diddordeb gyda chi mewn ceisio am swydd secondiad, mae’n rhaid i chi gael caniatad eich rheolwr llinell presennol cyn i chi geisio am y swydd hon.

Mae'r gallu i siarad Cymraeg yn ddymunol ar gyfer y swydd hon; mae croeso cydradd i siaradwyr Cymraeg a/neu Saesneg wneud cais. 

Os ydych chi'n mwynhau her, os oes gennych angerdd i helpu eraill neu os ydych chi awydd dechrau newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion cywir. Y sefydliad iechyd mwyaf yng Nghymru, sy’n darparu ystod lawn o wasanaethau ysbyty sylfaenol, cymunedol, iechyd meddwl, acíwt a dewisol ar gyfer poblogaeth o tua 700,000, ar draws Gogledd Cymru. Ymunwch â’n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith cymhwysedd ‘Balch o Arwain’.

Mwynhau bod yn rhan o weithio gydag arweinwyr ymgysylltiedig ar bob lefel, a bod yn sicr ein bod wedi ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun “Cyflogwr Hyderus ag Anabledd”.

Gwiriwch eich cyfrif e-bost yn rheolaidd. Bydd ymgeiswyr llwyddiannus yn derbyn yr holl ohebiaeth yn ymwneud â recriwtio drwy'r cyfrif e-bost a gofrestrwyd ar y ffurflen gais.

Gellir cyflwyno ceisiadau yn Gymraeg. Ni fydd ceisiadau a gyflwynir yn Gymraeg yn cael eu trin yn llai ffafriol na chais a gyflwynir yn Saesneg.