HealthJobsUK

Trosolwg o'r swydd

Ydych chi angen her newydd a newid golygfa? Ydych chi eisiau gweithio'n annibynnol fel ymarferwr lefel uwch ond yn dal i fod yn rhan o dîm deinamig sy'n darparu gwasanaeth Awdioleg o'r radd flaenaf i gleifion Gogledd Cymru? Os yw hyn yn eich diddori, gallai ymuno â'n gwasanaeth Awdioleg Gofal Cychwynnol fod yr union beth sydd ei angen arnoch.

Mae hwn yn gyfle cyffrous i ymuno â thîm sefydledig sy’n gweithio mewn meddygfeydd fel ‘ymarferwyr cyswllt
cyntaf’. 

Byddwch yn gyfrifol am arwain darpariaeth gwasanaeth Awdioleg gofal cychwynnol o fewn clwstwr Gofal Cychwynnol penodol wrth gynnal cysylltiadau â gwasanaeth Awdioleg gofal eilaidd mewn ysbytai. Bydd meithrin perthnasau gwaith agos â sawl meddygfa wahanol a chydlynu â chydweithwyr gofal cychwynnol ac eilaidd yn rhan allweddol o'r rôl. Bydd gwaith o ddydd i ddydd yn cynnwys gweld cleifion ag anhawster clyw, tinitws trafferthus a thrin y rhai sydd â phendro lleoliadol paroxysmal anfalaen. Mae'r gwasanaeth ar gyfer cleifion 5 mlwydd oed a hŷn felly bydd rhywfaint o waith paediatreg. Mae gwaith tynnu cwyr arbenigol gan ddefnyddio micro-sugno yn rhan o'r rôl a gellir trefnu hyfforddiant i'r ymgeisydd llwyddiannus os oes angen. Bydd deilydd y swydd hefyd yn cael y dewis o sesiwn glinigol reolaidd mewn gofal eilaidd fel rhan o rôl lawn amser - bydd hwn naill ai’n uwch glinig adsefydlu oedolion, clinig paediatreg neu gynteddol, yn unol â dewis deilydd y swydd. 

Prif ddyletswyddau'r swydd

Mae'r gwasanaeth yn gweithredu ar draws Gogledd Cymru gyfan o Wrecsam i Ynys Môn, gan gwmpasu ardal amrywiol gyda golygfeydd arfordirol a gwledig eithriadol. Bydd y rôl hefyd yn cynnwys rheoli a chydlynu darpariaeth gwasanaeth tynnu cwyr arferol o fewn y clwstwr, gan gynnwys rheolaeth llinell Awdiolegydd Band 5. Bydd yr ymgeisydd llwyddiannus yn cael ei gefnogi i ddatblygu eisgiliau rheoli llinell. Gan fod hon yn swydd ‘Uwch Ymarfer’, rydym yn dymuno penodi Awdiolegydd profiadol syddeisoes wedi dechrau gweithio tuag at ddatblygiad ei yrfa mewn rôl uwch ac sy’n gymwys i gofrestru gyda’r HCPC, os nad yw wedi cofrestru eisoes. Bydd gan yr ymgeisydd delfrydol brofiad helaeth o weithio mewn Gwasanaeth Awdioleg gofal eilaidd, bydd yn hyderus yn gweithio'n annibynnol ac yn barod am her gyrfa newydd.

Os cewch eich ysbrydoli gan y cyfle i ymwneud â dechrau taith y claf, byddem wrth ein bodd yn clywed gennych.

Os hoffech dreulio diwrnod yn cysgodi aelodau o'r gwasanaeth, cysylltwch â ni i drafod cyn gwneud cais.

Sylwer, efallai y bydd costau symud ar gael i’r ymgeisydd llwyddiannus.

Mae'r gallu i siarad Cymraeg yn ddymunol ar gyfer y swydd hon; bydd yr un cyfle yn cael ei roi i ymgeiswyr Cymraeg a/neu Saesneg ymgeisio. 

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.