HealthJobsUK

Trosolwg o'r swydd

Ymgymryd ag ystod o ddyletswyddau gweinyddol arferol i ddarparu cymorth gweinyddol a chlercyddol effeithlon ac effeithiol yng ngwaith yr Adran Marwolaethau o ddydd i ddydd a fydd yn cynnwys:                  

Mewnbynnu data Adolygiad Marwolaethau o Swyddfa'r Archwiliwr Meddygol i DATIX.

Lledaenu gwybodaeth arferol, anfon/derbyn negeseuon a phrosesu ymholiadau gweinyddol.

Ymgymryd ag ystod o ddyletswyddau gweinyddol arferol i ddarparu cymorth gweinyddol a chlercyddol effeithlon ac effeithiol yng ngwaith yr Adran Effeithiolrwydd Clinigol o ddydd i ddydd.

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Prif ddyletswyddau'r swydd

Cyfrifoldebau cyffredinol rôl y Clerc Cymorth Gweinyddol Marwolaethau:

1. Darparu cymorth gweinyddol a chlercyddol cyffredinol i'r tîm Effeithiolrwydd Clinigol, gan gynnwys prosesu geiriau, cymryd nodiadau, ymdrin â negeseuon e-bost, ffeilio electronig, llungopïo/sganio adroddiadau a dogfennau eraill.
2. Gweithio o'ch pen a'ch pastwn eich hun, o fewn ffiniau gweithdrefnau gweithredu safonol a gyda mynediad at gymorth o bell trwy TEAMS.
3. Ymateb yn unol â chyfarwyddyd y tîm Marwolaethau, i ymholiadau/gohebiaeth gan Swyddfa’r Archwiliwr Meddygol.
4. Cefnogi’r tîm Marwolaethau gyda dyletswyddau teipio a gweinyddol cyffredinol gan gynnwys delio â negeseuon e-bost sy’n dod i mewn ac sy'n cael eu hanfon allan (mewnol ac allanol).

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.