HealthJobsUK

Trosolwg o'r swydd

Maer'r swydd hon am gyfnod penodol  am 6 mis oherwydd cyfnod mamolaeth.

Os oes diddordeb gyda chi mewn ceisio am swydd secondiad, mae’n rhaid i chi gael caniatad eich rheolwr llinell presennol cyn i chi geisio am y swydd hon.

Sylwch ar gyfer myfyrwyr Cymru, rhaid i chi wneud cais trwy Symleiddio lle gellir dod o hyd i’r holl swyddi sydd ar gael.

A ydych chi’n nyrs gofrestredig brofiadol â gweledigaeth, cymhelliant a brwdfrydedd diddiwedd? A ydych chi’n ffynnu o gael newid a her? Yna, dewch i ymuno â’n Gwasanaeth Nyrsio Ardal sy’n ddeinamig, yn rhagweithiol ac yn flaengar gydag ymrwymiad i wneud gwahaniaeth i’n cleifion. Credwn mewn cyfleoedd datblygu a hyfforddi i’n staff ac felly, rydym yn awyddus ar hyn o bryd i recriwtio Nyrsys Cymunedol Band 5 llawn cymhelliant ac angerdd sy’n dymuno datblygu a gweithio tuag at un o’r rolau canlynol:

• Nyrs Ardal Band 6 trwy ymgymryd â’r Cymhwyster i Nyrsys Ardal.

• Rheolwr Achosion Cyflyrau Cronig trwy ymgymryd â hyfforddiant ar gyfer clefydau penodol i roi gofal wedi’i seilio ar dystiolaeth i’r unigolion hynny ag anghenion hynod gymhleth.

• Ymarferwyr Nyrsio trwy fabwysiadu ymagwedd fodiwlaidd er mwyn ennill y sgiliau clinigol sydd eu hangen.

Mae croeso i ymgeiswyr sydd â diddordeb gysylltu â'r adran i gael trafodaeth anffurfiol ynglŷn â gofynion y swyddi.

Prif ddyletswyddau'r swydd

Bydd angen i’r ymgeisydd llwyddiannus feddu ar sgiliau cyfathrebu ardderchog ynghyd â’r gallu i roi gofal sy’n glinigol effeithiol yn y Tîm Nyrsio Ardal. Mae Uwch Adran Gorllewin Bwrdd Iechyd Prifysgol Betsi Cadwaladr yn darparu Gwasanaethau Nyrsio Ardal ar draws Sir Fon a Gwynedd gan weithio mewn ffordd integredig â sefydliadau partner i roi gofal o ansawdd uchel wedi’i seilio ar dystiolaeth er mwyn i gleifion gael aros yn eu cartrefi a’u cymunedau eu hunain, gan osgoi gorfod derbyn cleifion i’r ysbyty, gan rymuso’r claf o ran hunanreoli a rhoi triniaeth a gofal di-dor sy’n canolbwyntio ar gleifion ar waith.

Rhaid gallu teithio rhwng cartrefi cleifion o fewn trefi ac ardaloedd gwledig mewn modd amserol.

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd 

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.