HealthJobsUK

Trosolwg o'r swydd

Fel rhan o ddatblygaid parhaus Gwasanaethau Stroc ar draw Gogledd Cymru, mae gennym gyfle cyffrous i groesawu ThILl Strôc Arbenigol Iawn i'n tîm oedolion.  Bydd yr ymgeisydd llwyddiannus yn ymgymryd â swydd arweiniol i ddarparu a datblygu gwasanaethau ThILl ar draws y llwybr strôc, ochr yn ochr â'n cydweithwyr amlddisgyblaethol, a chyda cefnogaeth y tîm ThILl.   Bydd y swydd yn hanfodol i ddarparu gofal ThILl ardderchog i Strôc, gan sicrhau bod ein gwasanaethau'n dilyn Canllawiau Clinigol Strôc Cenedlaethol, 2016, y Coleg Strôc Brenhinol.  

Mae'r swydd hon yn swydd bontio, ac rydym yn annog ceisiadau gan therapyddion Lleferydd ac Iaith gradd 6 sy'n edrych i ddatblygu eu sgiliau clinigol ymhellach. Yn gyfnewid am hyn, byddwn yn cynnig rhaglen ddatblygu seiliedig ar gymhwysedd, gyda mentor a goruchwyliaeth uwch i alluogi'r ymgeisydd llwyddiannus i symud ymlaen o radd 6 i swydd gradd 7 o fewn amserlen y cytunwyd arni. 

Prif ddyletswyddau'r swydd

Bydd yr ymgeisydd llwyddiannus yn meddu ar brofiad estynedig mewn asesu, diagnosis, triniaeth ac ymyriadau ansawdd bywyd ar draws lleoliadau llym, cymunedol a phreswyl, yn ogystal â gyda sefydliadau trydydd sector.   Bydd yr ymgeisydd llwyddianu yn gallu arddangos tystiolaeth o arweinyddiaeth glinigol, megis arwain prosiectau datblygu gwasanaeth, archwilio clinigol ac i weithredu rhaglenni newid gwasanaeth.    Byddent hefyd yn ymroddedig i weithio mewn tîm amlbroffesiwn ac yn medruarddangos sgiliau cyfathrebu hynod ddatblygedig, ynghyd â sgiliau trafod o fewn y fforwm hwn.

Mae gan ein adran systemau sefydledig ar gyfer cefnogi, goruchwylio a mentora proffesiynol a rheolaethol, ac mae'n ymroddedig i gefnogi datblygiad proffesiynol.  

Mae'r gallu i siarad Cymraeg yn ddymunol ar gyfer y swydd hon; mae croeso cydradd i siaradwyr Cymraeg a/neu Saesneg wneud cais. 

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.