HealthJobsUK

Rheoli'r gwaith o roi cyngor, cymorth a gwybodaeth ariannol proffesiynol o ran gweithgareddau'r Uwch Adran, yn unol â strategaeth y Bwrdd Iechyd. Datblygu rhagamcaniadau ariannol manwl, arfarniadau o opsiynau a blaengynlluniau i ganiatáu rhagweld materion posibl a'u datrys, er mwyn cyflawni targedau ariannol yr Uwch Adran a dyletswyddau ariannol statudol y Bwrdd Iechyd.

 ·       Cyfleu a dehongli gwybodaeth ariannol a heb fod yn ariannol soffistigedig, technegol ac sy'n gallu bod yn ddadleuol yn aml mewn ffordd hawdd ei deall gyda Chyfarwyddwyr yr Uwch Adran a'r Tîm Uwch Reoli, Rheolwr Clinigol a Chyfarwyddwyr, Rheolwyr Uwch Adrannau a rheolwyr eraill o ran rhagdybiaethau gydag adnoddau, defnyddio adnoddau'n effeithlon a chyfleoedd i leihau costau, trwy broses trafod, dylanwadu a darbwyllo.

 ·       Datblygu a gweithredu rhaglen o gynlluniau Lleihau Costau er mwyn sicrhau bod targedau ariannol Uwch Adrannol a Chorfforaethol yn cael eu cyflawni, gan gyfrannu'n effeithiol at gynllunio a gweithredu Cynllun Gweithredol y Bwrdd Iechyd.

 ·       Datblygu a monitro'n fanwl perfformiad cyllideb yr holl uwch adrannau ac adrannau ar draws yr Uwch Adran / Ardal berthnasol.

·       Paratoi a chyflwyno adroddiadau perfformiad misol i Dîm Rheoli'r Uwch Adran / Ardal, Cyfarwyddwyr Clinigol a'r Cyfarwyddwr Cyllid, gan nodi risgiau, pwysau a chyfleoedd allweddol, yn ogystal â rhagamcaniadau ariannol a chamau sydd eu hangen i sicrhau bod hyfywdra ariannol yn cael ei gynnal.

 ·       Rhoi cyngor ar gynlluniau adennill costau a chyllideb o ran yr Uwch Adran / Ardal gan sicrhau bod gwybodaeth a chyngor yn cael eu rhoi er mwyn caniatáu i wasanaethau gael eu cynnal yn effeithlon ac yn effeithiol, gan hwyluso cymhwyso adnoddau ariannol yn y ffordd orau posibl i ddarparu gofal iechyd o ansawdd uchel.

 ·       Cefnogi deiliaid dirprwyedig cyllidebau yn yr Uwch Adran / Ardal trwy roi hyfforddiant ariannol mewn ffordd sy’n hawdd ei deall gan weithwyr proffesiynol nad ydynt yn ymwneud â chyllid, er mwyn gwella ymwybyddiaeth a dealltwriaeth ariannol.

 ·       Paratoi adroddiadau rheolaidd ar sefyllfa a pherfformiad ariannol ar hyn o bryd a'r un a ragwelir yn y dyfodol o ran yr Uwch Adran / Ardal yn cynnwys:

 a)    Rhanddeiliaid Allanol (Ffurflenni Monitro LlCC)

 b)    Aelodau annibynnol y Bwrdd Iechyd

 c)    Bwrdd y Cyfarwyddwyr a'r Tîm Rheoli Gweithredol