HealthJobsUK

Trosolwg o'r swydd

Mae cyfle gwych wedi codi i Ffisiotherapydd Siartredig deinamig gydag agwedd hybly, profiadol a galluog ymgymryd â rôl Arbenigwr Clinigol mewn Rheoli Poen Cronig o fewn Canolfan Ardal (Gogledd Cymru).

Mae gwasanaethau poen wedi croesawu dull amlbroffesiwn at reoli poen cronig ers hir.  Mae ffisiotherapi yn un o’r nifer o broffesiynau sy'n dod â set sgiliau cynhwysfawr i'r tîm clinigol ac yn chwarae rôl allweddol mewn darparu dulliau a thechnegau rheoli poen o fewn y Bwrdd Iechyd.  Bydd disgwyl i'r ymgeisydd llwyddiannus  weithio gyda chydweithwyr o Ffisiotherapi, Nyrsio a Meddygaeth, mewn asesiad cychwynnol cleifion a darparu adsefydlu a rheoli ar y cyd â phroffesiynau a therapïau eraill.

Bydd disgwyl i ddeilydd y swydd weithio fel ymarferydd arbenigol clinigol annibynnol, gyda sgôp disgwyliedig o arfer ffisiotherapi i weithio o fewn tîm i ddarparu gwasanaeth arbenigol clinigol i gleifion a gyfeiriwyd at y gwasanaeth poen cronig.

Mae angen cefnogaeth ac addysgu aelodau'r Tîm Poen a chydweithwyr therapi eraill o'r gwasanaethau ehangach o'r rôl.

Mae'r gwasanaeth ffisiotherapi yn BIPBC yn cynnig llwybr gyrfa cyfan i Fand 8A fel uwch ymarferydd clinigol.  Mae gwella gwasanaeth a'i ddatblygu'n cael ei annog ac mae gan yr holl staff fynediad at hyfforddiant a goruchwyliaeth reolaidd.

Mae hwn yn gyfle i weithio mewn tîm mawr cefnogol a sefydledig mewn rhan hardd o'r Deyrnas Unedig. 

Prif ddyletswyddau'r swydd

• Datblygu a darparu gwasanaeth o ansawdd uchel yn eich is-arbenigedd Ffisiotherapi ar draws BIPBC
• Asesu a rheoli cleifion cymhleth
• Datblygu cyfleoedd i ymarfer sy'n ymestyn cwmpas Ffisiotherapi traddodiadol
• Hyfforddi a chefnogi Ffisiotherapyddion a staff cymorth i gynnig darpariaeth gwasanaeth o ansawdd uchel, wedi'i seilio ar dystiolaeth
•  Trefniadau llywodraethu o fewn y ffisiotherapi cyhyrysgerbydol.

Mae'r gallu i siarad Cymraeg yn ddymunol ar gyfer y swydd hon; bydd yr un cyfle yn cael ei roi i ymgeiswyr Cymraeg a/neu Saesneg ymgeisio.

Gweithio i'n sefydliad

Os ydych chi'n mwynhau her, yn awyddus i helpu eraill neu'n ffansi dechrau o'r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion cywir. Y sefydliad iechyd mwyaf yng Nghymru, sy'n darparu ystod lawn o wasanaethau ysbyty sylfaenol, cymunedol, iechyd meddwl, acíwt a dewisol ar gyfer poblogaeth o tua 700,000, ledled Gogledd Cymru. Ymunwch â'n tîm a chael y cymorth sydd ei angen arnoch, yn unol â'n Gwerthoedd Sefydliadol a'n fframwaith cymhwysedd 'Balch i Arwain'.

Mwynhewch fod yn rhan o weithio gydag arweinyddiaeth ymgysylltiedig ar bob lefel, a chael sicrwydd ein bod wedi ymrwymo i hyrwyddo cydraddoldeb ac amrywiaeth, ac rydym yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif e-bost yn rheolaidd. Bydd ymgeiswyr llwyddiannus yn derbyn yr holl ohebiaeth sy'n gysylltiedig â recriwtio drwy'r cyfrif e-bost sydd wedi'i gofrestru ar y ffurflen gais.

Gellir cyflwyno ceisiadau yn Gymraeg.  Ni fydd ceisiadau a gyflwynir yn Gymraeg yn cael eu trin yn llai ffafriol na chais a gyflwynir yn Saesneg.