HealthJobsUK

Trosolwg o'r swydd

Cynorthwyo'r staff nyrsio cofrestredig a gweithwyr proffesiynol gofal iechyd eraill ar draws yr Uned a chynorthwyo gwasanaethau o ddydd i ddydd yn ardaloedd y cleifion allanol, y theatr a'r uned gofal dydd gan wneud ystod eang o ddyletswyddau dan oruchwyliaeth yn ystod pob sifft.

Mae'r gallu i siarad Cymraeg yn ddymunol ar gyfer y swydd hon; mae croeso cydradd i siaradwyr Cymraeg a/neu Saesneg wneud cais. 

Prif ddyletswyddau'r swydd

• Helpu'r nyrsys cofrestredig i ddarparu gofal holistaidd o safon uchel i gleifion, gan sicrhau bod urddas cleifion a chydraddoldeb yn cael ei gynnal bob amser.
• Sicrhau bod yr egwyddorion y manylwyd arnynt yn Hanfodion Gofal yn rhan o'u hymarfer bob dydd ac yn cael eu cymhwyso i'r holl gleifion.
• Cynnal cofnodion cleifion sy’n gywir ac yn ddarllenadwy. Dogfennu gwybodaeth yn fanwl am ofal y claf yn ôl cyfarwyddyd y nyrs gofrestredig.
• Sicrhau cyfathrebu cadarnhaol â chleifion, perthnasau a gofalwyr, gan barchu materion yn ymwneud â chyfrinachedd proffesiynol.
• Cadw llygaid a dweud wrth y nyrs gofrestredig am unrhyw newid yng nghyflwr neu ymddygiad y claf.
• Rhoi cefnogaeth seicolegol a chorfforol i gleifion cyn, yn ystod ac yn dilyn archwiliadau neu driniaethau clinigol; gall hyn gynnwys eu helpu gydag eistedd, symud, ymwybyddiaeth o'u hamgylchedd neu gyda chyfarwyddiadau i ardaloedd eraill yr adran.
• Gweithredu fel chaperon i gleifion sy'n cael archwiliadau neu driniaethau a mynd gyda chleifion i adrannau eraill a chario dogfennau priodol a chyfleu negeseuon perthnasol dan gyfarwyddyd nyrs gofrestredig.
• Adnabod sefyllfaoedd brys a rhai nad oes modd eu rhagweld ac ymateb yn briodol iddynt.
• Paratoi'r amgylchedd offthalmig ac offer i'w defnyddio yn yr ardal glinigol o ran stoc a glendid ar ddechrau pob sesiwn.
• Cymryd cyfrifoldeb dros reoli a chael gwared â stoc llieiniau ac anghenion cyffredinol cadw tŷ eraill.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.