HealthJobsUK

Trosolwg o'r swydd

Bydd hyn yn cynnwys asesu defnyddwyr gwasanaeth y mae lleoliad gofal sylfaenol wedi’u hatgyfeirio, gan ddefnyddio amrywiaeth o offerynnau asesu seiliedig ar dystiolaeth sy’n canolbwyntio ar ymyrraeth lefel gofal sylfaenol.

Cynhelir clinigau asesu mewn lleoliadau ac ar amseroedd amrywiol, felly mae’n hanfodol bod yn hyblyg, ar sail anghenion y gwasanaeth.

Wrth i’r gwasanaeth Asesu’r Cof ddatblygu, bydd disgwyl i ddeiliad y swydd sicrhau bod gwasanaethau seiliedig ar dystiolaeth yn cael eu darparu fel rhan o fodel gwasanaeth integredig.

Bydd hefyd yn cefnogi’r Gyfarwyddiaeth Iechyd Meddwl i gyflawni amcanion lleol a strategol.

Derbyn, o fewn system un pwynt mynediad, atgyfeiriadau trwy feddygon teulu ar gyfer pobl â diagnosis posibl o dementia neu yr amheuir bod ganddyn nhw dementia.

Gwneud asesiad generig cynhwysfawr a diagnosis o dementia sy’n ddiwylliannol sensitif.

Cwnsela cyn ac ar ôl diagnosis, yn cynnwys datgelu canlyniad yr asesiad i’r person (a’r teulu os yn briodol), gan gynnwys rhannu’r diagnosis a’i oblygiadau posibl.

Cyfrannu at gynnal a datblygu safonau arfer clinigol yn barhaus o fewn y Gwasanaeth Asesu’r Cof, gan gymryd rhan mewn gwerthuso’r gwasanaeth.

Cyfeirio pobl at wasanaethau eraill a chyfrannu at lwybr di-dor i wasanaethau iechyd meddwl eilaidd (gan gynnwys y Tîm Trin Dementia yn y Cartref) lle bo’n edrych fel bod angen hyn.

Darparu gofal integredig mewn partneriaeth â sefydliadau iechyd, gofal cymdeithasol a gwirfoddol lleol eraill.

Prif ddyletswyddau'r swydd

Rydyn ni eisiau penodi nyrs frwdfrydig, llawn cymhelliant gyda sgiliau cyfathrebu a chlinigol ardderchog i ymuno â’n Gwasanaeth Asesu’r Cof yn Sir Faesyfed. Mae’n rhaid ichi fod yn frwdfrydig, hunanysgogol, hyblyg eich ffordd o weithredu a gallu gweithio fel rhan o dîm amlddisgyblaeth. Byddwch chi’n meddu ar sgiliau cyfathrebu rhagorol, sail gwybodaeth glinigol gadarn ac ymrwymiad i ofalu am gleifion gan ddefnyddio athroniaeth Canolbwyntio ar y Person.  

Â’ch sail yn Llandrindod, byddwch chi’n rhan annatod o’r gwaith o roi Cynllun Gweithredu Cymru ar gyfer Dementia ar waith. Fel rhan o’r tîm, bydd gofyn ichi wneud asesiadau, cynllunio cefnogaeth, cyfeirio a chynghori eraill ar ofal a thriniaeth pobl sydd wedi’u hatgyfeirio i Wasanaeth y Cof. Hefyd, byddwch chi’n cymryd rhan mewn cyflwyno a monitro meddyginiaeth sy’n gwella’r cof.

Rydyn ni wedi ymrwymo i edrych ar ffyrdd arloesol o weithio i wella profiad y claf. Rydyn ni’n gwybod bod ein llwyddiant yn dibynnu ar ymrwymiad ein staff a’n nod ydy recriwtio a chadw’r staff gorau posibl.

Rydyn ni eisiau i Fwrdd Iechyd Addysgu Powys fod yn lle braf a boddhaus i weithio. Rydyn ni o’r farn bod teimlo bod pobl yn eich gwerthfawrogi yn eich gwaith yn cael effaith bositif ar staff a chleifion fel ei gilydd, ac mae ein fframwaith gwerthoedd ac ymddygiad yn dwyn sylw at ein hymrwymiad i hyn. Ein nod ydy gwella profiad y claf a’r gofalwr, darparu gofal o ansawdd uchel a chyflawni safonau proffesiynol uchel.

Gweithio i'n sefydliad

Disgrifir Powys fel lle hyfryd i fyw ac i weithio; lleoliad iechyd yn y cefn gwlad lle gallwch ddatblygu yn bersonol ac yn broffesiynol, a lle mae’r cleifion yn ganolog i’r ddarpariaeth. Os ydych chi’n weithiwr iechyd proffesiynol yn chwilio am bodlonrwydd yn eich gyrfa, yna Powys yw’r lle. Beth bynnag yw eich dyheadau gyrfa, rydym yn ymrwymedig i’ch cefnogi a’ch datblygu.

Mae Bwrdd Iechyd Addysgu Powys yn gyfrifol am fodloni anghenion iechyd a lles poblogaeth Powys. Powys yw’r sir fwyaf yng Nghymru, ac o Eryri yn y golgedd i’r Bannau yn y de, mae’n un o’r harddaf hefyd. Drwy weithio mewn partneriaeth rydym yn comisiynu, ac wedi ennill gwobrau am ddarparu, gofal mewn ysbytai, yn y gymuned, iechyd meddwl, a gwasanaethau anableddau dysgu, felly mae’n porffolio’n eang ac amrywiol. Rydym yn falch o gynnig gofal heb ei ail i’n cleifion ac ystod o yrfaoedd i bobl sydd eisiau gwneud gwahaniaeth go iawn.

Oeddech chi’n gwybod – Mae Bwrdd Iechyd Addysgu Powys yn derbyn ceisiadau i ymddeol a dychwelyd o fewn GIG Cymru. Os hoffech wybod rhagor, cysylltwch â thîm y gweithlu Bwrdd Iechyd Addysgu Powys ar 01874 712580 neu [email protected]

Mae Step into Health yn cysylltu cyflogwyr yn y GIG â phobl o gymuned y Lluoedd Arfog.