HealthJobsUK

Trosolwg o'r swydd

Mae cyfle wedi dod ar gael yn y tîm Cyffuriau ac Alcohol Cymunedol i Weithiwr Camddefnyddio Sylweddau Cymunedol ymuno â thîm camddefnyddio sylweddau sy'n datblygu yn ardal Ardal Ceredigion, wedi'i lleoli yn Aberystwyth.

Rydym yn chwilio am unigolyn sydd â phrofiad o weithio ym maes camddefnyddio sylweddau ac sy'n gallu amlygu cymwyseddau craidd a phenodol sy'n gysylltiedig â gwaith camddefnyddio sylweddau Haen 3, neu sy'n awyddus i ddatblygu ei sgiliau a'i brofiad o fewn gwasanaeth camddefnyddio sylweddau Haen 3.

Byddai profiad o asesu a thrin defnyddwyr gwasanaethau sy'n ddibynnol ar opiadau yn fantais, yn ogystal â gwybodaeth ymarferol dda o ddulliau lleihau niwed a rheoli cyfundrefnau rhagnodi o fewn fframwaith triniaeth sy'n canolbwyntio ar adferiad.

Prif ddyletswyddau'r swydd

Bydd deiliad y swydd yn rheolwr gofal ar gyfer y llwyth achosion, a rhaid i unrhyw newid sylweddol mewn amgylchiadau a allai arwain at fwy o risg i ddefnyddiwr y gwasanaeth neu unigolion eraill sydd o bwys iddo gael ei drafod yn y fforwm priodol.

Bydd hyn yn cynnwys:

Cynnal asesiad cynhwysfawr o broblem defnyddiwr y gwasanaeth o ran camddefnyddio sylweddau, yn cynnwys ei anghenion iechyd a llesiant a lefel ei gymhelliant i newid.

Cytuno ar gynllun gofal/ôl-ofal/gynllun rhyddhau gyda defnyddiwr y gwasanaeth, a allai gynnwys gweithwyr proffesiynol eraill neu atgyfeirio ymlaen fel y bo'n briodol.

Gweithredu ac adolygu'r cynllun gofal a'r gwerthusiad cysylltiedig yn unol â pholisi'r gwasanaeth a'r Bwrdd Iechyd.

Ystyried anghenion unigolion eraill sydd o bwys, ynghyd â'r cyfle i ymgysylltu â nhw mewn perthynas â'r cynllun gofal.

Gweithio ar y cyd ag asiantaethau partner a chyfrannu at gydrannau triniaeth a chlinigol y cynllun gofal y cytunwyd arno lle bo defnyddiwr y gwasanaeth yn destun gorchymyn triniaeth trwy'r llysoedd.

Rhaid i ddeiliad y swydd barchu hawliau, urddas a buddion defnyddwyr y gwasanaeth bob amser.

Dylai drin pob unigolyn mewn modd cyfiawn, ac ni ddylai wahaniaethu yn erbyn defnyddwyr y gwasanaeth, cyd-weithwyr, nac unrhyw un arall y bydd yn ymwneud ag ef yn rhan o'i waith, ar sail oedran, rhywedd, anabledd, ailbennu rhywedd, priodas neu bartneriaeth sifil, beichiogrwydd a mamolaeth, hil, crefydd neu gred, neu gyfeiriadedd 
rhywiol.

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 11,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth â’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy: 

Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;

Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;

48 o bractisau cyffredinol (pedwar ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;

Lleoliadau niferus yn darparu gwasanaethau iechyd meddwl ac anableddau dysgu;

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.